Joe Cocker itsusia zen oso, ez zekien musika tresnarik jotzen eta, txikitatik, besteen kantak imitatzen ziharduen itxura eginez, baina Woodstock jaialdian Beatlesen With a Little Help from My Friends abestu zuenetik garai bateko musika ikur bihurtu zen. Poesiak zatarraren edertasuna erakusten digu, askotan besteen testuek akuilaturik eta zaharra den mintzaira berrituz. Poeta adiskide bati Hain zara eder testuak erakutsi nizkionean hura zer ote zen berak ez zekiela esan zidan. Andoni Tolosa lagunari helarazi nizkionean, berriz, haiek kantuak zirela argitu zigun. Joe Cockerek bezala, idatzitakoak zer ziren jakin gabe ere, maketsa zena birmoldatuz eta ederretsiz, adiskidetu nintzen neure buruarekin eta bizitutako sasoia berreskuratu nuen lagunekin partekatu ahal izateko. Hain zara eder... Joe Cocker. Autor FITO RODRIGUEZ (Gasteiz, 1955). 1978an Filosofia eta Letretan lizentziatua,1988an Hezkuntza Zientzietan Doktoratua. EHUn irakasle. Hainbat euskal hedabidetan kolaboratu du: Egin, Gara, BERRIA, Egin eta Info7 irratietan eta Euskadi Irratian, Euskaldunon Egunkarian, baita Susa, Iralka, Ele, Bat, Tantak, Larrun, Ezpala, Bertsolari, Argia, Isilik, Jakin, Hik Hasi, Uztaro, RIEV, Euskerazaintza, EGAN eta Bazka aldizkarietan ere. Poesia: Izendegi hutsa (2019) Aforismoak: Buru ta zioak (2011) Biktimari agurka (2012). Saiakela: Faustoren itzala (2004), Magrittek ez omen zuen pipatzen (2001), Jeu de Paume (2005), Kasandra leihoan (2006), Jerusalem, Xalimen hiria (2008) Saiakera: Txillardegi (2012) Justizia Interditaren Poetika (2013) Gontz garaia (2014), Arakistainen bidea (2017) Fake news, ez dira atzo goizekoak (2019). Surrealismoa, gogoeta literatura eta metaliteraturaren bidez Saiakela lantzen dut, nobela den saiakera eta saiakera diren literaturak. Alberto Magno zientzia-fikziozko literatur lehiaketan aipamen berezia (Faustoren sekretua, 1992), Joseba Jaka beka (Kasandra leihoan, 2004) eta Ernestina Champourcin poesia lehiaketan irabazle (Izendegi Hutsa, 2018). Euskal Idazleen Elkarteko lehendakaria eta Euskal PEN klubaren zuzendaritzakoa izan da.
