Breve descripción/anotación Entre as paisaxes furiosas e impactantes da Ribeira Sacra non só se move a natureza. Agochadas no silencio comunal, pódense presentir historias que non se contan ou... que non se deben contar. Historias de silencios, de mortes, de dor. Dous falecementos, un deles o do herdeiro dun poderoso imperio do viño, son declarados pola Garda Civil como simples accidentes. Non obstante, esoutras voces profundas, tan estrañas e misteriosas como chegadas doutros tempos, son percibidas polo instinto policial do inspector Mateo Romano, quen, moi ao seu pesar, se verá atrapado no lugar ao que pertencía, alá onde se desenvolveu a súa mocidade e no que se enfrontará ao seu pasado: ao pai co que non se leva, a un amor que lle deixou feridas abertas e, sobre todo, a un feixe de lendas que retornan ao presente coa forza dun furacán. Mentres o río garda segredos e silencios, o inspector Romano descobre que baixo as cepas e as adegas de prestixio latexa unha historia de violencia tan vella como o mesmo canón do río Sil. Nunha novela arrebatadora, Pedro Feijoo condúcenos ao corazón da Ribeira Sacra polos camiños da boa morte.
